عشقتك عشق الروح
قصة حوارية ( اسكريبت )
بقلم / إهداء صابر
نزلت بسرعه من علي سلم البيت بتاعنا رحت اجيب فطار وكنت بجري زي الهبله وهوب وسط الناس كنت بطلع فوقهم واشد ف ده واشد ف ده وبعد معااناه كبيره اخيرا جبت الفطار وطلعت بسرعه بس قبل ما اخبط علي الباب شوفت حبيبي ابن الجيران يااه وسيم وهادي ومحترم بس كنت بموت فيه.
- صباح الخير يا هشام.
- صباح النور يا انسه مريم ازيك عامله أي.
- الحمد لله بخير عن اذنك.
- اتفضلي.
دخلت البيت رميت الفطار الي معايا علي السفره.
= يبنتي م هتبطلي اسلوبك الزباله والاوفر ده.
= أنت مالك أنت بتحشري مرخيرك في ملكيش فيه لي هه.
دي بنت عمي نور بنت متكبره وشايفه نفسها قاعده علطول عندنا شقتهم جمب شقتنا بالظبط اكبر مني بسنتين دايما بتتريق عليا وبتزعلني بكلامها.
سبتها ودخلت الاوضه اصحي اخواتي.
= أصحي يااض منك ليي يلا هتتاخر علي المدرسه.
= جبتي الفول والطعميه والجبنه والبرنجان طيب عشان نقوم.
= ايوا طبعا امال أي لو كنت تيجي تشوفني وانا عبده موته بزعق فده وازق فده.
دخلت نور وقالت = علشان تعرفي انك بيبقي شكلك وحش وانتي كدا يعع عليكي ظلمناكي لما كتبوكي في البطاقه انثي.
= اه اصملله عليكي يا خل اللسان.
= م احسن منك يا طخينه أنت.
زعلت اوي لما قالتلي كدا وأخواتي بدل مايدافعوا عني ضحكوا عليا.
(انا مريم عندي 19 سنه في اولي كليه تربيه معنديش طموح غير اني اتجوز ابن الجيران وبحبه ااوي مع انه اكبر مني بكتير وطبعا علشان طخينه بشوف نطرات وتريقه من الكل وم بتعامل مع حد ومعنديش صحاب غير خالد بس صديق طفولتي.
واحنا بنفطر.
= أي ده خلصتي طبق الفول.
= أنت مالك يا نور الله فطاري وانا حره.
= حاولي اعملي دايت.
= ملكيش دعوه يا راس اللفته أنت.
خلصت اكل ولبست ونزلت اروح كليتي شوفته واقف مع صاحبه سرحت فيه وف جماله فوقت لقيته جاي نحيتي وهو مبتسم.
انشر معنا على الموقع وتواصل معنا.
»»» للنشر والتواصل معنا اضغط هنا «««
= ازيك يا انسه مريم.
= الحمد لله ازيك انت.
= انا بخير تحبي اوصلك كليتك.
أي ده اول مره يقولي كدا في أي.
= اوكي مفيش مشكله.
تحبي نمشي والا نركب احسن.
= لا نمشي احسن ومشينا.
= انسه مريم انا عايز اتكلم معاكي في موضوع شخصي ومحرج جدا.
أي ده اخيرا هيعترف بحبه ليا بس اكيد متوتتر.
= احم موضوع أي.
= انا.. اناا..
يلهوي هيقول اهو انطق انت أي قول يلا بقي متتكسفش.
= انا بصراحه بحب بنت عمك نور وعايزاك تكوني وسطه بنا.
كلامه نزل عليا زي الجبل وعيني دمعت.
= وقفت بصتله انت قلت مين؟؟ د انا اعمل منك بطاطس محمره انت ياض وانا الي بقول خلاص هيعترف اهو.
= في أي يا انسه مريمم أنت كنتي كويسه.
حاولت اني مبينش اني بحبه وشكلي هيبقي وحش اوي.
= انا مليش دعوه وم هكون وسطا لحد.
سبته ومشيت واول ما بعدت عنه مقدرتش امسك دموعي ووصلت الكليه قابلني صديقي الطفولي خالد.
مسك خدودي = أي ده القمر بيعيط لي.
= سبني والنبي يخالد.
= أي معترفش بحبه ليكي.
= أي ده عرفت منين.
= وانتي فاكره اني هسيبه يوصلك كدا لوحدكوا يرجولتي متسمحليش يبنتي.
= بلاش نجيب سيره الرجوله دلوقتي علشان انت أساسا شبه راجل.
= سيبك مني م عايزاك تزعلي دموعك دي بتقتلني ما تيجي اتجوزك واكسب فيك ثواب.
= لا يا خالد انا نفسي حد يحبني بجد محدش بيبصلي والا بيطيق يبص في خلقتي وكل ده علشان أي علشان مليانه شويه م انا حاولت اعمل رجيم كتير وعيطت جامد اوي.
انا مخنوقه اوي يا خالد د انا الي كنت مفكره انه بيحبني طلع بيحبها هي م هو لازم يختار بنت تليق عليه لكن انا منسبش حد ابدا وانت يخالد لو عايز تبعد ابعد يخالد.....
= لي كدا يست البنات م إحنا اتفقنا يبقي عندنا ثقه في نفسنا ومنستناش أي كلمه من حد سواء حلوه او وحشه. واتفقنا منعيطش كدا تاني صح والا أي وانا معاكي اهو اخوكي وسندك وف ضهرك علطول بس اكمنك يعني بتاع 95 كيلو بس مضايقه لي دا أنت يبتتي عود بلدي اصيل.
= حتي انت كمان بتتريق عليا يزفت.
= ايوا كدا م عايز أشوفك معيطه تاني وشغل الهطل ده وامشي يلا قدامي يبرطمان طرشي علي المحاضره.
= تصدق نفسي في زتون مخلل يلا واحنا طالعين بقي نجيب.
عدت سنه اولي وهشام خطب نور وخلاص اتجوزا خلاص حب الطفوله بحح وخلاص انا وخالد بقينا صحاب اوي وعدينا سنه تانيه واخر يوم في امتحانات سنه تانيه روحت البيت.
= مريم جايلك عريس يبنتي انهرده وشكله مستعجل.
= دمعت وقلت اهم حاجه لما يوشفني يماما يوافق.
= وانتي فيك أي ناقص يحببتي.
= ما المشكله اني بزياده اوي يماما انا داخله اريح شويه.
وطبعا دخلت نمت شويه وصحيت جهزت للعريس طلعت لقيت خالد قاعد.
= أي يباشاا عرفت منين اني متقدملي حمار.
= احم لي الغلط بس.
= يعم ده يبقي طور وحمار بصحيح لو وافق بيا.
= طب بس اسكتي متغلطيش فيه تاني علشان ميزعلش كدا.
= يا اخي انشاله يتفلق نصين د اكيد برص جعان علشان كدا جايلي انا.
= لا حول والا قوة الا بالله اللهم طولك يا رووح.
= وانت جاي لي عامل فيها الكبير العاقل ف مقام ابويا وجاي تقابله مثلا.
= شش بت خنيقه.
= الله عريس الغفله مجااش.
= والله.
أنت م شايفه علبه الجاتوه والبوكيه الورد والبوبيونه الي مزينه رقبتي دي.
= الله هو باعت الحاجه كمان معاك الا واي أما غبي صحيح.
= والله العظيم ما في حد غبي غيرك.
= احترم نفسك يا خالد لحد ما نشوف الحمار الي بنستناه ده.
لقيته وقف وشد الببيوينه علي الارض وقعد فتح علبه الجاتوه واخد قطعه واكل فيها.
= استني م العبيط لما يجي ويمشي ناكل منها.
= لا ما انا العبيط والطور والحمار الغبي الي بياكل فيها.
- وعشقتك عشق الروح
- عشقتك عشق الروح وليس عشق الجسد والمظهر.